Photo Courtesy: Phil JAC

The New Iloilo Airport at Cabatuan, Iloilo

News Blog about the New Iloilo Airport

Saturday, November 27, 2010

Hiligaynon News: PCSO sa idalum na sang OP

PIA Press Release
2010/11/26

Hiligaynon News: PCSO sa idalum na sang OP

Manila (26 November) -- Ang opisina sang Philippine Charity Sweepstakes yara na subong sa idalum sang Opisina sang President suno sa Executive Order No. 14 nga gin pirmahan ni Presidente Benigno S. Aquino.

Ini nga lihok nga gin proponir ni Secretary Enrique Ona kay suno sa iya ang iya departamento indi gakaangay nga ahensya sa pagtipon sang pundo paagi sa lotteries nga ginahimo sang PCSO nga gin ugyunan man ni Margie Juico nga Chairman sang PCSO.

"Apang sa alokasyon sang pundo, iga konsulta ang DOH" suno kay Ona.

Sa iya naman bahin, si Juico nagsiling nga nangayo siya sang bulig sa opisina sang Executive Secretary kag mga OP legal advisers agud ma review and mando sang PCSO. Gin tun-an nila kag nakita nila nga mas maayo kun ini igabalik sa Opisina sang Presidente.

Gani nga ang PCSO ara na subong sa idalum sang Presidente nga may mando sa pagtipon sang pundo para sa mga programa sa ikaayong lawas, medical assistance kag serbisyo kag mga charities of national character.

Kung madumduman, ang PCSO nga gin tukud sang RA 1169 ara sa idalum sang OP. Apang ang EO No. 38u3 sang Nobyembre 8, 2004 naghalin sang PCSO sa Department of Social Welfare, pagkatapos ginsaylo uli sa Department of Health suno sa EO455 sang Aug. 22, 2005. (PIA6)

0 Comments:

Post a Comment

<< Home