Photo Courtesy: Phil JAC

The New Iloilo Airport at Cabatuan, Iloilo

News Blog about the New Iloilo Airport

Saturday, November 27, 2010

Hiligaynon News: Pilipinas nagpagua sang opisyal nga pahayag para sa kalinong sa Korean Peninsula

PIA Press Release
2010/11/26

Hiligaynon News: Pilipinas nagpagua sang opisyal nga pahayag para sa kalinong sa Korean Peninsula

Manila (26 November) -- Nagpanawagan ang Pilipinas sa mga pungsod sang South kag North Korea nga maglikaw sa paghimo sang mga aksyon nga mahimo makapadugang sang masingki nga sitwasyon sa Korean Peninsula kasunod sang pagbaylohanay nila sang artillery fire sining karon lang.

Sa isa ka opisyal nga pahayag nga ginbasa ni Deputy Presidential Spokesperson Abigal Valte sa mga mamahayag, nagakabala ang pungsod nga ang padayon nga pagsingki sang sitwasyon ang mahimo makadulot sang indi maayo nga epekto sa kalinong kag istabilidad sang Korean Peninsula kag sa bahin sang rehiyon sang Asya-Pasipiko.

Sa tunga sang sitwasyon nga nagaluntad sa nasambit nga duog, ginpabutyag sang gobyerno nga ang Department of Foreign Affairs kag ang Philippine Embassy sa Seoul, South Korea ang maid-id nga nagabantay sang masunod nga mahimo magkalatabo kag nagasayasat sang contingency plan agud mapaseguro nga mangin epektibo ini.

Subong man kag santo sa mando ninPangulo Benigno S. Aquino III, nakasugod na ang Embahada sa pagpakig-angot sa natungdan nga mga ahensya sang gobyerno agud mapat-od ang kahilwayan gikan sa katalagman sang mga Filipino sa mga pungsod nga Korea. Ang ini nga mga ahensya nagalakip sang DFA, Department of National Defense, Department of Labor and Employment, Department of Social Welfare and Development, kag ang Department of Transportation and Communications.

May kaangtanan man sa gihapon diri, wala sapayan nga nagakabalaka ang gobyerno sa sitwasyon sa Korean Peninsula, ginpahayag sang Malacanang nga wala pa sang plano sa subong sa pagpa-untat sang pagpadala sang mga Filipino sa Korea. (PIA 6)

0 Comments:

Post a Comment

Links to this post:

Create a Link

<< Home