Photo Courtesy: Phil JAC

The New Iloilo Airport at Cabatuan, Iloilo

News Blog about the New Iloilo Airport

Friday, December 10, 2010

Hiligaynon News: Mga ilongga nga PWD nakakuha pondo palangabuhian sa DOLE

PIA Press Release
2010/12/09

Hiligaynon News: Mga ilongga nga PWD nakakuha pondo palangabuhian sa DOLE

Iloilo City (9 December) -- Kapin 20 ka mga babaye nga katapo sang Association of Disabled Persons diri sa Iloilo ang nakabaton sang pondo palangabuhian nagikan sa Department of Labor and Employment para sa paghanas sang ila kinaadman sa bahin sang 'cosmetology'.

Ginhatag ni DOLE 6 Regional Director ang tseke nga nagabalor P127,750 kay Juvy Ministros, Presidente sang ADPI sa isa ka seremonya nga kabahin sang selebrasyon sang ika-77 nga anibersaryo sang DOLE sa rehiyon, Disyembre 8, 2010.

Suno kay Ministro ang bulig pinansyal pagagamiton sa paghanas kag pagbakal sang mga gamit sang mga benepisyaryo sang bulig.

"Ang ining suporta isa ka daku nga bulig sa amon miyembro bangud isa ini ka kuhaan nila sang palangitan-an," pahayag ni Ministros.

Ang tseke kabahin sang P1,439,936.00 nga ginhatag sang DOLE sa tion sang seremoniya. Iban pa nga nagbaton sang pondo palangabuhian amo ang banwa sang Bingawan nga may P258, 450.00 para sa iya Organic Fertilizer Production; probinsiya sang Guimaras nga may P469,896 para sa iya Starter KITS; kag Carles MPC nga may P447,940.00 para sa iya Nata de Coco Processing.

Nagbaton man ang Panay Sugarcane Producers MPC sang P135,900.00 para sa ila Skills training on Cosmetology nga may 20 ka mga benepisyaryo.

Suno kay Roldan ang pondo kabahin sang padayon nga pagpanikasog sang DOLE nga makahatag sang mga oportunidad palangabuhian nga nagatuyo mapataas ang pagkamabungahon kag kasanyugan sang pangabuhi sang mga tawo sa rehiyon. Ini kabahin man sang pagsunod sa pag-implementar sang "22-Point Policy on labor and employment" ni Pangulong Benigno S. Aquino III.

Ginpasidunggan man ang St. Paul's Hospital sa seremoniya bilang Family Welfare Program Awardee sa rehiyon. Igatiglawas sini ang rehiyon sa nasyunal nga paindisindis sa Manila kag ang paghatag sang pasidungog ang natalana sa Disyembre 10 sa Manila. (PIA/LAFrench)

0 Comments:

Post a Comment

<< Home