Hiligaynon News: Gobyerno magapaambit sang dekalidad nga serbisyo sa ikaayong lawas

PIA Press Release
2010/12/08

Hiligaynon News: Gobyerno magapaambit sang dekalidad nga serbisyo sa ikaayong lawas

Manila (8 December) -- Ginakabig ni Pangulo Benigno S. Aquino III nga isa ka panghangkat nga dapat atubangon sang iya administrasyon ang pagpa-ambit sa mga pumuluyo labi na sa mga imol sang dekalidad nga serbisyo sa ikaayong lawas.

Sunu sa Pangulo, ang pagpatigayon nga makaagum ang mga pumuluyo sang sini nga sahi sang serbisyo ang isa sang mga paagi nga mapahaganhagan ang problema sang kaimulon, santo sa iya ginpangako sa pagsugod sang iya pagpungko bilang pinuno sang pungsod.

Ang pagpatigayon nga makaagum ang mga pumuluyo sang mga basic services katulad sang edukasyon kag ikaayong lawas ang makapaambit man sa ila sang mga oportunidad agud nga mapaayo nila ang ila pangabuhi, labi na sa bahin sang masobra 4 ka milyon nga mga pamilya nga ginakabig nga pinakaimol.

Ang pahayag ginhimo ni Pangulo Aquino may kaangtanan sa paglunsyar sang Medical City, isa ka moderno nga ospital nga kabahin sang Global Gateway Logistics City sa Clark Freeport Zone sa Pampanga.

Ang GGLC ang isa ka daku nga logistics kag business park nga gintukod paagi sa direkta nga puhunan sang dumuluong nga mga negsoyante. (PIA 6)