Hiligaynon News: (Kinaray-a) DTI nagpanawagan sa publiko sa pagbakal kang dekalidad nga Christmas lights

PIA Press Release
2010/12/09

Hiligaynon News: (Kinaray-a) DTI nagpanawagan sa publiko sa pagbakal kang dekalidad nga Christmas lights

San Jose, Antique (9 December) -- Ang Department of Trade and Industry paagi sa Bureau of Product Standard nagapanawagan sa publiko sa pagbakal kang Christmas lights nga may tatak kang Import Commodity Clearance (ICC) ukon Product Standards (PS) para sa hilway kag masinadyahun nga pagselebrar kang Paskwa.

Ang DTI nagpa-athag nga ang Christmas Lights lisensyado sa DTI-BPS agud mapasiguro nga dya may husto kag dekalidad nga materyales kag hindi delikado nga gamiton.

Si Secretary Gregory Domingo kang DTI naghambal nga dapat magbakal lamang kang Christmas Lights nga may marka kang ICC tungod dya naka agi na sa pag-usisa kang amo nga ahensya.

Ang hindi manami kag dekalidad nga Christmas lights suno sa DTI pwede mangin halinan kang sunog, pagrangga kang propidad kag kamatayun kang mga tawo kun hindi lagi matapna.

Ang DTI sa pagpanguna ni Jose Divinagracia ang Provincial Director naga hinyo gid sa publiko sa pagsunod sa dya nga panugyan agud mangin malipayun kag hilway sa disgrasya ang aton Paskwa.

Ang sin-o man nga madakpan nga tindahan nga nagabaligya kang Christmas lights nga wara ti marka ka ICC maka-agum kang pinalidad nga di magsobra sa P300,000.00 kag iba pa suno sa ginatagna kang Republic Act 7394 (Philippine Standards Law). (PIA/psm)