Photo Courtesy: Phil JAC

The New Iloilo Airport at Cabatuan, Iloilo

News Blog about the New Iloilo Airport

Friday, December 10, 2010

Hiligaynon News: Laban sa mga biktima sang palupok sa tion sang paskwa kag

PIA Press Release
2010/12/10


Hiligaynon News: Laban sa mga biktima sang palupok sa tion sang paskwa kag
bag-ong tuig, mga kabataan

Manila (10 December) -- Ang mga kabataan sa Kabisay-an Nakatundan amo gid ang nagapanguna sa listahan sang Department of Health nga biktima sang palupok sa panahon nga ginasaulog ang paskwa kag pagsug-alaw sa bag-ong tuig.

Ini ang ginpahayag ni Dr. Sophia S. Pulmones, hepe sang local health support division sang DOH 6 sa isa ka press conference, kag iya ginpanawagan ang publiko ilabi nag id ang mga ginikanan nga ilikaw gid ang mga kabataan sa paghampang sang mga palupok.

Suno kay Dr. Pulmones, ang DOH subong nagagamit na sang pamaagi sa kampanya nga ginatawag advocacy by fear okon pagpaabot sang kahadlok sa mga ginapakita nga mga laragway sa mga posters kag streamers nga nagapakita sang mga nagkalawas-ag okon nagkalautod nga mga kamot, tudlo, nawas-ag nga mga mata kag iban pa nga parte sang lawas sang tao nga gintuga sang palupok.

Ang mga biktima sang palupok sang nagligad nga tuig kag sa pagsug-alaw sa tuig 2010, basis a record sang DOH nagapakita sang mga bata nga naga edad sang napulo ka tuig panaog, ginasundan sang onse tobtob bente anyos, kag bente-ono tobtob 60 anyos.

Kadam-an sang mga kaso amo ang mga nalukpan o napaso apang wala gin-utod (amputate) ang apektado nga parte sang lawas- 76%; nalukpan o napaso kag gin-utod (amputate) ang apektado nga bahin sang lawas- 10%, kag 10% man ang nalukpan ang mata.

Nobenta porsyento (90%) sang mga nalukpan, mga lalaki, kag 7 percent lang ang mga babaye, suno kay Dr. Pulmones.

Ang lima ka mga palupok nga ginakabig nga nagtuga sang halit amo ang piccolo-30%; kwitis-14%; luces-7%; 5 star- 6%; kag pla-pla- 5 percent.

Ginpahayag ni Dr. Pulmones nga ang pinakatuyo sang kampanya sa karon nga tuig kag sa pagsug-alaw sa ba-ong tuig amo ang pag-amlig sa mga kabataan batok sa mga palupok, kag ini pinaagi sa pagdumili sa mga kabataan sa pagmanufacture, pagbaligya, pagbakal, kag paggamit o paghampang sang mga firecrackers/fireworks. (PIA6/T. Villavert)

1 Comments:

  • At Saturday, June 24, 2017 2:23:00 PM, Blogger Credit Loan said…

    Are you in need of a loan? Do you want to pay off your bills? Do you want to be financially stable? All you have to do is to contact us for more information on how to get started and get the loan you desire. This offer is open to all that will be able to repay back in due time. Note-that repayment time frame is negotiable and at interest rate of 3% just email us (creditloan11@gmail.com)

     

Post a Comment

Links to this post:

Create a Link

<< Home