Photo Courtesy: Phil JAC

The New Iloilo Airport at Cabatuan, Iloilo

News Blog about the New Iloilo Airport

Friday, December 10, 2010

Hiligaynon News: Wala sang revamp sa Communications Group

PIA Press Release
2010/12/09

Hiligaynon News: Wala sang revamp sa Communications Group

Manila (9 December) -- Gin paseguro sang Malacanang nga wala sang reorganization nga matabo sa tatlo ka sanga sang communications group ni President Benigno S. Aquino III.

Si Presidential Spokeperson Edwin Lacierda nagsiling nga ang ginhambal ni Sekretario Ricky Carandang sang Presidental Communications Development and Strategic Planning Office wala lang maintiendihan sa iya conteksto.

"Wala sang amu nga matabo. Ang gin siling ni Sekretario Carandang amo ang mas maayo nga pagpalapnag sang maayo nga balita sa mga tawo," siling ni Lacierda.

Ang ginkuno kuno nga balasa sa Communications group naghalin sa isa ka meeting sang Cabinete sa diin gin hambalan ang 16-point Social Contract ni President Aquino sa mga Filipino nga kabahin sang Medium Term Development Priority Plan sang gobierno.

Sa amu man nga meeting, pila ka konkreto nga mga tikang and gin hambalan agud maka implementar sang mga programa sa sulod sa masunod nga lima ka tuig.

"Isa ato ka masadya nga diskusyon kay ginbulublag kami sa nakalain lain nga mga grupo kag mga konkreto nga suhestion ang gin presentar. Ang mga programa naka linya na kag may mga suhestion man kung paano ini iga implementar" dugang ni Lacierda.

Ang mga opisyales sang Communications group natalana nga mag meeting liwat agud pabakurun pa gid ang mga suhestion. (RO/PIA6)

0 Comments:

Post a Comment

Links to this post:

Create a Link

<< Home