Hiligaynon News: Retailers gindayaw ni PNoy tungod sa ila kontribusyon

PIA Press Release
2010/12/09

Hiligaynon News: Retailers gindayaw ni PNoy tungod sa ila kontribusyon
Manila (9 December) -- Gindayaw ni Pangulo Benigno S. Aquino III ang mga retailers kag tag-iya sang mga shopping mall sa ila daku nga kontribusyon sa pagsanyog sang ekonomiya sang pungsod ilabi na sa bahin sang third quarter sang sini nga tuig paagi sa 14.1 porsiyento nga pagtubo sa Gross Added Value sang Retail Subsector.

Ang pahayag ginhimo sang Pangulo sa tion sang paghiwat sang Miyerkoles sang ika-14 nga Outstanding Filipino Retailers and Shopping Centers of the Year Awards. Ang pagtubo sang nasambit nga subsector ang santo sa record sang National Statistical Coordination Board (NSCB).

Nagpasalig a

ng Pangulo nga ang gobyerno padayon nga magapatigayon kaupod sa mga negosyante sang isa ka "market environment that is ethical, efficient and free." Ang maayo nga hinimuan sang retail subsector ang isa ka ehemplo sang mahimo nga matigayon kon ang Filipino ginapahanugutan nga magnegosyo sa sulod san

g isa ka "free market."

Sa tion sang nasambit nga kahiwatan, ginpangunahan man ni Pangulo Aquino ang pagpasidungog kay anay Ambassador Bienvenido Tantoco Sr. paagi sa paghatag sa iya sang Philippine Retailers' Association President's Award bilang pagkilala sa kay Tantoco bilang amay sang "luxury retailing" sa pungsod.

Ang mag-asawa nga Tantoco ang nangi responsable sa paghimo sang Pilipinas nga labing una nga pungsod nga ginhatagan sang pahanugot sang tuig 1951 agud makabaligya sang mga produkto sang sikat nga Christian Dior sa luwas sang France. (PIA 6)