Photo Courtesy: Phil JAC

The New Iloilo Airport at Cabatuan, Iloilo

News Blog about the New Iloilo Airport

Wednesday, December 08, 2010

Hiligaynon News: Mga opisyales sang RDRRMC ginpanginbulahan kag ginhangkat sa ila mga katungdanan

PIA Press Release
2010/12/04

Hiligaynon News: Mga opisyales sang RDRRMC ginpanginbulahan kag ginhangkat sa ila mga katungdanan

Iloilo City (4 December) -- Ginpanginbulahan ni Office of Civil Defense Administrator nga si Undersecretary Benito Ramos ang bag-o nga mga opisyales sang Western Visayas Regional Risk Reduction and Management Council sa ila pagpungko sa ila mga palangakuan sa tion sang sinapol kag induction sang RDRRMC nga ginhiwat kahapon, Disyembre 2, sa Syudad sang Iloilo.

Kadungan diri, ginhangkat man ni Ramos ang mga opisyales may kaangtanan sa ila mga katungdadnan nga nasandig sa pagpatigayon sang bug-os nga serbisyo sa mga pumuluyo ilabi na ang pagpatigayon sang ila kaluwasan kag kaayohan sa tion sang kalamidad kag emerhensiya.

Ang mensahe ni Ramos ginpalab-ot ni OCD Assistant Executive Officer Atty. Priscilla Duque nga nagpasumpa man sa mga opisyales sang konseho sa pagpanguna ni OCD Regional Director Rosario Cabrera bilang Tsirman.

Kaupod ni Cabrera nga magapamuno sa konseho amo ang iya mga Vice Chairperson nga amo sanday DILG Regional Director EvelynTrompeta sa bahin sang Disaster Preparedness, DSWD Regional Director Minda Brigoli sa bahin sang Disaster Response, DOST Regional Director Engr. Rowen Gelonga sa bahin sang Disaster Prevention and Mitigation, kag NEDA Regional Director Ro-Ann Bacal para sa Disaster Rehabilitation and Recovery.

Kalakip sa mga pinuno kag tiglawas sang iban nga mga ahensya sang gobyerno nga nagtambong sa nasambit nga kahiwatan amo si PIA Regional Director Atty. Ma. Janet C. Mesa.

Antes sang pagpasumpa sang bag o nga mga opisyales sang RDRRMC, ginsaylo ang posisyon bilang pinuno sang konseho halin kay PNP Regional Director PCSupt Cipriano Querol, Jr. pakadto kay Cabrera. Santo ini sa bag-o nga laye nga nagtukod sang Disaster Risk Reduction and Management Council kabaylo sang sadto anay nga Disaster Coordinating Council.

Sa tion sang kahiwatan, ginpresentar man sang konseho kay Atty. Duque ang kopya sang isa ka operations manual nga gindihon sang rehiyonal nga konseho para gamiton ini bilang talamdan sa pagpatigayon sang iya mga katungdanan kag aktibidades sat ion sang kalamidad kag emerhensya.

Subong man, ginpresentar sang nagkalainlain nga mga sektor sang RDRRMC ang ila mga sectoral plans bilang kabahin sang operations manual. (PIA 6)

0 Comments:

Post a Comment

Links to this post:

Create a Link

<< Home