Hiligaynon News: Pagsumiter sang BSP art competition entries tubtub
PIA Press Release
2010/12/03
Hiligaynon News: Pagsumiter sang BSP art competition entries tubtub Disyembre 15
Manila (3 December) -- Ginhatagan sang Bangko Sentral ng Pilipinas ang mga interesado nga magpasakop sa ila art competition tubtub Disyembre 15 sa pagsumiter sang ila entries.
Tinutuyo sang paindisindis nga gintawag "BSP Art Competition" nga mapataas ang ihibalo kag pagkilala sang publiko sa 'art'.
Bukas ang paindisindis sa tanan nga mga'Filipino artists', propesyunal man o indi, nagapangidaron 18 anyos pataas, nadeklarar nga tagdaug, napilian sang hurado o honorable mentions sa mga Philippine Art Competitions, o nakaagi agda sang mga kilala nga internasyunal nga institusyon o nakapasakop sa mga internasyunal nga eksposisyon,'biennales o'triennales'.
Mahimo maggamit ang mga manugpasakop sang oil, acrylic o mixed media apang wala ginapahanugutan ang paggamit sang mga organic material sa paindisindis.
Ginakinahanglan ang entries indi magsobra sa 180 cm. x 180 cm. nga may minimum nga kadakuon nga 90 cm magluwas sa frame. Ang maximum nga ginapahanugutan nga kabug-aton amo ang 20 kilos lakip ang frame.
Magabaton ang nahauna nga tatlo ka tagdaug sang cash prizes. Ang nahauna nga premyo P500,000, ikaduha nga premyo P300,000 kag ikatatlo nga premyo P200,000.
Sa dugang nga kasayuran magtawag sa BSP-Iloilo (033) 337-6635 o 335-1180. (PIA)
2010/12/03
Hiligaynon News: Pagsumiter sang BSP art competition entries tubtub Disyembre 15
Manila (3 December) -- Ginhatagan sang Bangko Sentral ng Pilipinas ang mga interesado nga magpasakop sa ila art competition tubtub Disyembre 15 sa pagsumiter sang ila entries.
Tinutuyo sang paindisindis nga gintawag "BSP Art Competition" nga mapataas ang ihibalo kag pagkilala sang publiko sa 'art'.
Bukas ang paindisindis sa tanan nga mga'Filipino artists', propesyunal man o indi, nagapangidaron 18 anyos pataas, nadeklarar nga tagdaug, napilian sang hurado o honorable mentions sa mga Philippine Art Competitions, o nakaagi agda sang mga kilala nga internasyunal nga institusyon o nakapasakop sa mga internasyunal nga eksposisyon,'biennales o'triennales'.
Mahimo maggamit ang mga manugpasakop sang oil, acrylic o mixed media apang wala ginapahanugutan ang paggamit sang mga organic material sa paindisindis.
Ginakinahanglan ang entries indi magsobra sa 180 cm. x 180 cm. nga may minimum nga kadakuon nga 90 cm magluwas sa frame. Ang maximum nga ginapahanugutan nga kabug-aton amo ang 20 kilos lakip ang frame.
Magabaton ang nahauna nga tatlo ka tagdaug sang cash prizes. Ang nahauna nga premyo P500,000, ikaduha nga premyo P300,000 kag ikatatlo nga premyo P200,000.
Sa dugang nga kasayuran magtawag sa BSP-Iloilo (033) 337-6635 o 335-1180. (PIA)
posted by iloilointernet @ 6:08 PM
0 Comments:
Post a Comment
<< Home