Hiligaynon News: Pagpabaskog sang mga programa para sa mga OFW ginmandu ni PNoy
PIA Press Release
2010/12/07
Hiligaynon News: Pagpabaskog sang mga programa para sa mga OFW ginmandu ni PNoy
Manila (7 December) -- Luwas sa P1-bilyon nga Reintegration Fund nga tukuron sang Overseas Workers Welfare Administration, ginmandu man ni Pangulo Benigno S. Aquino III ang natungdan nga mga ahensya sang gobyerno lakip ang Department of Foreign Affairs, Department of Labor and Employment kag Philippine Overseas Employment Administration nga labi nga pabaskugon ang mga programa nga dugang nga maka benepisyo sang mga Overseas Filipino Workers (OFW).
Bilang kabahin sang mga tikang may kaangtanan diri, ang DOLE kag OWWA magapadala sang dugang nga mga labor attaches kag welfare officers labi na sa Middle East kag iban nga mga pungsod sa Asya.
Subong man, ang gobyerno magatukod sang 54 ka dugang nga mga Help Desks sa agkalainlain nga mga syudad kag probinsya sa pungsod agud tutukan ang kaayuhan sang mga OFWs. May yara nga 554 ka mga help desks nga napahamtang ang gobyerno sa palibot sang pungsod.
Ang Reintegration Fund gintukod agud gamiton nga pundo para sa isa ka loan assistance program para sa mga OFWs nga gusto mag patindog sang mga negosyo. Ang kapuntahan nga katuyuan sang sini nga programa amu ang pagpatigayon sang mga trabaho kag palangabuhian para sa mga Filipino agud nga indi na sila kinahanglan pa nga magkadto sa luwas sang Pilipinas agud magtrabaho. (PIA 6)
2010/12/07
Hiligaynon News: Pagpabaskog sang mga programa para sa mga OFW ginmandu ni PNoy
Manila (7 December) -- Luwas sa P1-bilyon nga Reintegration Fund nga tukuron sang Overseas Workers Welfare Administration, ginmandu man ni Pangulo Benigno S. Aquino III ang natungdan nga mga ahensya sang gobyerno lakip ang Department of Foreign Affairs, Department of Labor and Employment kag Philippine Overseas Employment Administration nga labi nga pabaskugon ang mga programa nga dugang nga maka benepisyo sang mga Overseas Filipino Workers (OFW).
Bilang kabahin sang mga tikang may kaangtanan diri, ang DOLE kag OWWA magapadala sang dugang nga mga labor attaches kag welfare officers labi na sa Middle East kag iban nga mga pungsod sa Asya.
Subong man, ang gobyerno magatukod sang 54 ka dugang nga mga Help Desks sa agkalainlain nga mga syudad kag probinsya sa pungsod agud tutukan ang kaayuhan sang mga OFWs. May yara nga 554 ka mga help desks nga napahamtang ang gobyerno sa palibot sang pungsod.
Ang Reintegration Fund gintukod agud gamiton nga pundo para sa isa ka loan assistance program para sa mga OFWs nga gusto mag patindog sang mga negosyo. Ang kapuntahan nga katuyuan sang sini nga programa amu ang pagpatigayon sang mga trabaho kag palangabuhian para sa mga Filipino agud nga indi na sila kinahanglan pa nga magkadto sa luwas sang Pilipinas agud magtrabaho. (PIA 6)
posted by iloilointernet @ 6:50 PM
0 Comments:
Post a Comment
<< Home