Photo Courtesy: Phil JAC

The New Iloilo Airport at Cabatuan, Iloilo

News Blog about the New Iloilo Airport

Wednesday, December 08, 2010

Hiligaynon News: Pagpanumbalik sang pagsalig sang publiko pinakadaku nga hinimuan sang gobyerno

PIA Press Release
2010/12/06

Hiligaynon News: Pagpanumbalik sang pagsalig sang publiko pinakadaku nga hinimuan sang gobyerno

Manila (6 December) -- Ang pagpanumbalik sang pagsalig sang publiko sa isa ka gobyerno nga nagasakdag sang Transparency kag Accountability ang ginakabig nga pinakadaku nga hinimuan sang administrasyon ni Pangulo Benigno S. Aquino III sa pagsugod sang pagpang-alagad sini karon nga tuig.

Ginpahayag ni Deputy Presidential Spokesperson Abigail Valte nga isa sa mga maayo nga resulta sang sini nga programa amo ang pagsulod sang dugang nga mga puhunan sa pungsod kalakip na diri ang ginpahamtang sang mga negosyante nga dumuluong.

Pagkatapos nga napatigayon ini ni Pangulo Aquino, ginsiling ni Valte nga ang gobyerno magatutok sa masunod nga tuig sa mga programa nga makadulot sang mga benepisyo sa ga kubos kag yadtong magadula sang korapsyon sa gobyerno.

Ang pagpakig-away batok sa korapsyon kag kaimulon ang nagapabilin nga pinakadaku nga panghangkat nga ginapangatubang sang gobyerno, sunu kay Valte. Gintudlo ni Valte nga agud nga malab-ot kag magmadinalag-on ang ini nga mga tinutuyo, kinahanglan gid ang bulog kag kooperasyon sang mga pumuluyo. (PIA 6)

0 Comments:

Post a Comment

Links to this post:

Create a Link

<< Home