Hiligaynon News: Gobyerno magatukod sang DOJ task force
PIA Press Release
2010/12/10
Hiligaynon News: Gobyerno magatukod sang DOJ task force
Manila (10 December) -- Magatukod ang gobyerno paagi sa Department of Justice (DOJ) sang DOJ Task Force nga magasayasat sang tanan nga mga na-report kag sang wala pa maresolbir nga mga kaso sang extrajudicial killings kag enforced disappearances.
Ginbuyagyag ni Pangulo Benigno S. Aquino III sa iya pagpamulongpulong sa paghanduraw sang ika-62 nga anibersaryo sang Universal Declaration of Human Rights, Disyembre 10, nga natalana nga pirmahan ni Justice Secretary Leila de Lima ang isa ka department order nga nagatukod sang nasambit nga task force.
Pagkatapos nga masayasat sang task force ang mga kaso magahimo sila sang mga rekomendasyon para sa epektibo kag madasig nga imbestigasyon kag prosekusyon sang mga ini. Kalakip man sa buluhaton sang task force ang pagpadasig sang resolusyon sang mga kaso nga may yara sang bastante nga ebidensya kag ang liwat nga paghimo sang imbestigasyon agud mabuksan liwat ang daan nga mga kaso.
Sa iya pamulongpulong, ginpasalig man ni Pangulo Aquino ang mga tiglawas sang iban nga mga pungsod nga nagtambong sa kahiwatan nga nagapakigbuylog ang Pilipinas sa pangkalibutanon nga kampanya sa pagpaseguro sang kinamatarung nga tawhanon. (PIA 6)
2010/12/10
Hiligaynon News: Gobyerno magatukod sang DOJ task force
Manila (10 December) -- Magatukod ang gobyerno paagi sa Department of Justice (DOJ) sang DOJ Task Force nga magasayasat sang tanan nga mga na-report kag sang wala pa maresolbir nga mga kaso sang extrajudicial killings kag enforced disappearances.
Ginbuyagyag ni Pangulo Benigno S. Aquino III sa iya pagpamulongpulong sa paghanduraw sang ika-62 nga anibersaryo sang Universal Declaration of Human Rights, Disyembre 10, nga natalana nga pirmahan ni Justice Secretary Leila de Lima ang isa ka department order nga nagatukod sang nasambit nga task force.
Pagkatapos nga masayasat sang task force ang mga kaso magahimo sila sang mga rekomendasyon para sa epektibo kag madasig nga imbestigasyon kag prosekusyon sang mga ini. Kalakip man sa buluhaton sang task force ang pagpadasig sang resolusyon sang mga kaso nga may yara sang bastante nga ebidensya kag ang liwat nga paghimo sang imbestigasyon agud mabuksan liwat ang daan nga mga kaso.
Sa iya pamulongpulong, ginpasalig man ni Pangulo Aquino ang mga tiglawas sang iban nga mga pungsod nga nagtambong sa kahiwatan nga nagapakigbuylog ang Pilipinas sa pangkalibutanon nga kampanya sa pagpaseguro sang kinamatarung nga tawhanon. (PIA 6)
posted by iloilointernet @ 12:06 PM
0 Comments:
Post a Comment
<< Home