Hiligaynon News: Philippine football team sulod na sa semifinals sang AFF Suzuki Cup

PIA Press Release
2010/12/10

Hiligaynon News: Philippine football team sulod na sa semifinals sang AFF Suzuki Cup

Manila (10 December) -- Sa labing una nga tinion, nakasulod ang football team sang Pilipinas sa semifinals sang 2010 AFF Suzuki Cup sa Thien Truong Stadium sa Nam Dinh, Vietnam pagkatapos nga mag-draw ukon magpatas sa iskor nga 0-0 ang sambuwa nila kontra Myanmar.

Gintawag sang mga opisyal sa isports nga tuman ka talalupangdon ang ginpakita sang national football team sa torneo kon sa diin kinaandan nga nagakapierde sila sadto.

Antes sang draw nila kontra sa Myanmar, ang hubon sang Pilipinas ang naglutos sa hubon sang Vietnam sa iskor nga 2-0 kag nagpatas man kontra sa team sang Singapore, 1-1.

Nagpauli ang Philippine team kahapon agud magpanghanda para sa ila semifinals nga sambuwa batok sa team sang Indonesia sa masunod nga semana nga hiwaton sa nasambit nga pungsod. Pito sa mga katapu sang national team ang taga Iloilo ? Ian Araneta, Yanti Bersales, Mark Ferrer, Chip Caligdong, Noel Gener, Joven Bermejo, kag Nestor Magarce. (PIA 6)